دوره فى المحاسبه الماليه الدرس الاول الاصول

الدرس الاول : الاصول assets

بسم الله الرحمن الرحيم

و رجعنالكم مرة تانية مع دورة المحاسبة المالية Financial Accounting

بس احب انبة عن شىء , طبعا المعلومات دى مستوحاة من محاضرات الدكتورة الامريكية Susan Crosson

على اليوتيوب , بس الترجمة و تنسيق الدورة و تبسيطها مجهود العبد لله .

تانى حاجة أن الدورة دى مش موجهة لطلبة تجارة انجليش او خريجينها , هى موجهة اكتر لطلبة تجارة عربى

و خريجى تجارة عربى اللى مدروسوش تجارة انجليش قبل كدا ( و أنا واحد منهم
على فكرة ) و نحاول نعملهم تنشيط للمعلومات اللى درسوها بالعربى و ما
يقابلها بالانجيلش .

المهم نرجع لدرسنا الاول : و
نعمل كدا مراجعة على اللى خدناة الدرس اللى فات , هتقولى اة انا عرفت
الدرس اللى فات ان فيه حاجة اسمها Accounting Equation يعنى المعادلة
المحاسبية اللى درسناها فى الفرقة الاولى فى الكلية .. وافتكرت ان
المعادلة المحاسبية دى بتتكون من 3 حاجات :

اول حاجة : الاصول اللى عند الشركة ودى بالانجليزى اسمها assets

تانى حاجة : الالتزامات اللى على الشركة تجاة الغير او بنسميها خصوم و دى بيقولوا عليها فى الانجليزى Liabilities .

تالت حاجة : حقوف ملكية المساهمين فى الشركة و هنعرف بعد كدا هى بتتكون من ايه و دى قولنا اسمها بالانجليزى Owners equity .

يبقا انت كدا افتكرت معايا ان المعادلة شكلها كالتالى :

الاصول = الالتزامات ( الخصوم ) + حقوق المليكة

اقلبها بقا بالانجليزى هنلاقى شكلها بقا :

Assets = Liabilities + Owners equity

يعنى لو اول السنة قولتلك ان ال assets كانت بتساوى $120.000 , و ال Liabilities = $60.000

تقدر تقولى ال Owners equity بتساوى كام ؟؟؟

ايوة الله ينور عليك .. هنعمل المعادلة بتاعتنا :

كود:

Assets = Liabilities + Owners equity $120.000 = $60.000 + ?

احسب بقا Owners equity = Assets – Liabilities

$120.000 - $60.000 = $60.000

يبقا انت عندك ال Equation (Equation يعنى معادلة , اصحى بقا معايا و احفظ المصطلحات ) جابلك طرفين و طلب ال 3 سهلة تجيبة .

[b]تعالوا بقا نبدأ بأول مكون من مكونات Accounting Equation و هو ال Assets [/b]

[b]يعنى ايه Assets ??[/b]

[b]ج : يعنى اصول , جبت التايهة يعنى !! ما انا عارف ان معناها اصول , عاوزين نعرف يعنى ايه المعنى بتاع الكلمة دى سواء بالعربى او بالعنجليزى .. [/b]

اقوم من على الجهاز كدا فى السريع و روح افتح التلاجة .. وكل فيها ايه ؟؟؟ ( اوعى تقولى فيها فيل )

اكيد و انا متأكد هتقولى فيها لحمة ( عيد بقا كل سنة وانتوا طيبين ) ,
وطماطم و بطاطس و كوسة ( يع يع يع مش بحبها مووت كفاية الكوسة اللى فى
البلد ) و ............ إلخ

طب ربنا يزيد و يبارك , بص بقا يا باشا , انت بتعمل ايه بقا بالاكل دا ؟؟ دا عبيط دا ولا ايه !! اكيد باكلة طب بتاكلة ليه ؟؟؟ .. عشان اعرف اكمل يومى و اعيش و استمر فى العطاء ( حلوة كلمة العطاء دى ) .

[b]اهو كل اللى فى التلاجة عندك دا يتعبر اصول مملوكة ليك , قلمك , فلوسك , عربيتك , مكتبك .... الخ [/b]

يبقا انت دلوقتى عرفت يعنى ايه كلمة اصول .

[b]تعالى بقا نشوف المعنى المحاسبى , اسهل و ابسط تعرف للاصول بالانجليزى انها هى : [/b]

[b]The start you have to make a difference[/b]

[b]يعنى بالعربى كدا , البداية المتاحة ليك عشان تعمل
تغيير , طب و هوة ايه التغييير ( طبعا مش التغيير بتاع حركة كفاية
متودوناش فى داهية ) , التغيير دا اللى هوة التجارة او المكسب , معاك 100
جنية عاوز تخليها 150 جنية يبقا انت كدا عملت تغيير , طبعا من غير ال 100
جنية الاصلية مش هتقدر تبدأ المشروع .[/b]

تعريف تانى محاسبى اكتر :

Something that has a future or potential value.

يعنى حاجة ليها مستقبل , او ليها قيمة كامنة .

[b]طب ما تيجى كدا نشوف ايه الحسابات اللى لو شوفناها نعرف انها Assets [/b]

1 – Cash

يعنى الفلوس Money او الاوبيج

2 – Supplies

ودى عبارة عن المستلزمات او الادوات المتاحة للشركة سواء كانت اوراق paper او اقلام pen

طبعا قبل ان تستخدم , اما بعد ما تسخدم و يتم استخدمها بتبقا مصروف expended

3 – Prepaids

و دى يعنى الدفع المقدم , يعنى روحت دفعت تمن خدمة مقدما قبل ما تحصل عليها , تعتبر اصل و ملكك

مثلا روحت اشتريت من عند الواد حماصة بتاع الفول و الفلافل ب 1 جنية فول
للنهاردة و قولتلة احجزلى ب 1 جنية تانى لبكرة و دفعت تمنة .. يعتبر اصل
بردوة يضع فى المزانية اسمه prepaid beans

اشتريت عربية و ليها تأمين يعتبر دفع مقدم prepaid insurance

4 – inventory

ودى يعنى المخزون ممكن نسيمها store و دا اللى شركة بتعبية للمستهلك لو افترضنا انها شركة تجارية مش بتصنع .

لازم تكون عارف ان فيه فرق بين ال inventory المخزون & ال Supplies مستلزمات :

ال Supplies بتستخدم داخل المشروع ( use in the business )

ال inventory له سعر و المستهلك بيشترية ( the customer buy the inventory )

5 – land and building الاراضى و المبانى

ودى اصول طويلة الاجل Long life assets

6 – Accounts Receivable

و دى يعنى المدينون , ناس انت ليك فلوس عندهم .

7 – Note Accounts Receivable اوراق قبض

[b]كفاية عليكم كدا النهاردة عشان
الحق انام شوية .. و اعتذر عن الاطالة و اللغة العامية و ان كانت هى
الاقرب لتوصيل المعلومة فى زممنا الحالى . [/b]
[b]
[/b]